ನಿವೇದನೆ

ವೇದನೆ ವೇದನೆ
ನನ್ನ ಮನಸಿನ ಪರಿಶೋಧನೆ
ಗೆಳತೀ ನಡೆಸಿದೆಯಾ, ನಿನಗೇ ಅರಿವಿದೆಯಾ
ವೇದನೆ ವೇದನೆ, ಈ ಮನಸಲಿ ಬರೀ ವೇದನೆ.

ಇಳೆಯು ಬಲು ಸುಂದರ ಕಾಣುವ ಮಂದಿರ
ಅಲ್ಲಿ ಶಾಂತಿಯ ಸಣ್ಣ ಹೊಂಗಿರಣ
ಪ್ರಶಾಂತದ ತಂಪು ಸಿಹಿ ಹೂರಣ
ಇದ್ದರೆ ನೀ ತಿಳಿಸುವೆಯಾ, ಗೆಳತಿ ನನಗೆ ಕೊಡಿಸುವೆಯಾ.

ವೇದನೆ ವೇದನೆ
ನನ್ನ ಮನಸಿನ ಪರಿಶೋಧನೆ........

ಬದುಕು ಸುಖ ಸಾಗರ, ಪಯಣಿಗ ದುಃಖದಾಗರ
ಅಲ್ಲಿ ನಗುವಿನ ಮುತ್ತು ನೀರಲಿ
ಸುತ್ತ ಸುಳಿಯುವ ಭಯದ ಕಾಡಲಿ
ದೊರೆತರೆ ನೀ ತಿಳಿಸುವೆಯಾ, ಗೆಳತಿ ನನಗೆ ಕೊಡಿಸುವೆಯಾ.
ವೇದನೆ ವೇದನೆ
ನನ್ನ ಮನಸಿನ ಪರಿಶೋಧನೆ
ಗೆಳತೀ ನಡೆಸಿದೆಯಾ, ನಿನಗೇ ಅರಿವಿದೆಯಾ
ವೇದನೆ ವೇದನೆ ಈ ಮನಸಲಿ ಬರೀ ವೇದನೆ.

************ಜಯಸುತ*************