ಕಂಡು ಕಾಣದಂತೆ

ಕಣ್ಣೆದುರಲ್ಲೇ ಇದ್ದು
ನೀನು ಕಣ್ಣಿಗೆ ಕಾಣದಂತೆ,
ನನ್ನೇಕೆ ಹೀಗೆ ಸುಮ್ಮನೆ ಕಾಡಿರುವೆ.
ಮನಸೊಳಗೆ ಇದ್ದು
ನೀನು ಮನಸಿಗೆ ಬಾರದಂತೆ,
ನನ್ನೇಕೆ ಹೀಗೆ ಕಾಯಿಸಿ ಕೊಂದಿರುವೆ.
ಒಲವೇ ಒಲವೇ ನನ್ನೊಲವೆ ನೀ ಚೆಲುವೆ,
ಒಲವೇ ಒಲವೇ ನನ್ನುಸಿರಲಿ ನೀನಿರುವೆ.

ಮೌನಕೆ ಮೌನ ಮಾತಾಗಿ
ಹಾಡದ ಮಾತು ಜೊತೆಯಾಗಿ
ಮನಸೊಳಗೆ ಮರೆಯಾಗಿ.
ಹೇಳದಿಹ ಮಾತು ನೂರಾಗಿ
ಸಾವಿರ ಸುಳಿಗೆ ಬಿಗಿಯಾಗಿ
ಬಂಧನದಿ ಸೆರೆಯಾಗಿ.
ಉಸಿರಾಡುವ ಜೀವದ ಒಳಗೆ
ಹೊಳಪಾಗಿರೋ ಪ್ರೀತಿಯ ಒಡವೇ,
ಕನಸಾಗಿರೋ ನನ್ನ ಪ್ರೀತಿಯ ನೀ
ನನಸಾಗಿಸು ಓ ನನ್ನ ಚೆಲುವೆ
ನನಸಾಗಿಸು ಓ ನನ್ನ ಚೆಲುವೆ.

ಕಣ್ಣೆದುರಲ್ಲೇ ಇದ್ದು
ನೀನು ಕಣ್ಣಿಗೆ ಕಾಣದಂತೆ,
ನನ್ನೇಕೆ ಹೀಗೆ ಸುಮ್ಮನೆ ಕಾಡಿರುವೆ.

ನೀನೆಂಬ ಭಾವ ದೂರಾಗಿ
ನನಗೆಂಬ ಭಾವ ಚೂರಾಗಿ
ಕನಸುಗಳು ಹುಸಿಯಾಗಿವೆ.
ಸಾಗಿದ ಹೆಜ್ಜೆ ಗುರುತೊಳಗೆ
ಸವೆಯದ ಪ್ರೀತಿಯ ನೆನಪೊಳಗೆ
ದಿನಗಳು ಸಾಗಿವೆ.
ಕೈಜಾರಿರೊ ಮುತ್ತಿನ ಪ್ರೀತಿಯ ನೀ
ಕೈಹಿಡಿದು ಕಾಪಾಡೆಲೆ,
ಬ್ರಮೆಯಾಗಿರೊ ಈ ನನ್ನ ಪ್ರೀತಿಯ ನೀ
ಉಳಿಸು ಓ ನನ್ನ ಚೆಲುವೆ
ಉಳಿಸು ಓ ನನ್ನ ಚೆಲುವೆ.

ಕಣ್ಣೆದುರಲ್ಲೇ ಇದ್ದು
ನೀನು ಕಣ್ಣಿಗೆ ಕಾಣದಂತೆ,
ನನ್ನೇಕೆ ಹೀಗೆ ಸುಮ್ಮನೆ ಕಾಡಿರುವೆ.
ಮನಸೊಳಗೆ ಇದ್ದು
ನೀನು ಮನಸಿಗೆ ಬಾರದಂತೆ,
ನನ್ನೇಕೆ ಹೀಗೆ ಕಾಯಿಸಿ ಕೊಂದಿರುವೆ.
ಒಲವೇ ಒಲವೇ ನನ್ನೊಲವೆ ನೀ ಚೆಲುವೆ,
ಒಲವೇ ಒಲವೇ ನನ್ನುಸಿರಲಿ ನೀನಿರುವೆ.


*----- ಜಯಸುತ -----*

Friendship-Love

Love is Lonely chatter
Friends beyond that matter
Lovely Friends are always mightier……….Zu Zu Zu Zu Zu Zu

Friendship is nothing but closeness of two minds,
It could be a friendship of moon and evening tides.
This might bring a cool breeze every night,
This might shower a due drops after night.
What a cool fact it is?

Love is Lonely chatter
Friends beyond that matter
Lovely Friends are always mightier……….Lu Lu Lu Lu Lu Lu

Love is a Sacred worship of two hearts,
It could be a love of butterfly and flowers.
This might bring a sweetful fruits,
This might change a useless brutes.
What a Sweet fact it is?

Love is Lonely chatter
Friends beyond that matter
Lovely Friends are always mightier……….Zu Zu Zu Zu Zu Zu

Love is a sweet fact & friendship is a cool fact,
Time makes the heart to greet them as one act.
If there is no friend, heart will cry,
If there is no love, heart will die.
What a love fact it is?

Love is Lonely chatter
Friends beyond that matter
Lovely Friends are always mightier……….Zu Zu Zu Zu Zu Zu


*----- ಜಯಸುತ -----*

ನಿನ್ನದೇ ನೆನಪು

ನನ್ನ ಮನಸಲ್ಲಿ ದಿನವೂ ನಿನ್ನದೇ ನೆನಪು
ನನ್ನ ಕನಸಲ್ಲಿ ದಿನವೂ ನಿನ್ನದೇ ಛಾಪು
ಇದು ಪ್ರೇಮವೋ, ಆಂತರ್ಯವೋ
ಬರೀ ಮೋಹವೋ, ಹೊಸ ಬಂಧವೋ
ಆಹಾ ಇದೆಂಥ ಸುಂದರ ಕಲ್ಪನೆ,
ಆಹಾ ಇದೆಂಥ ಸುಂದರ ಕಲ್ಪನೆ.
ನನ್ನ ಮನಸಲ್ಲಿ ದಿನವೂ ನಿನ್ನದೇ ನೆನಪು
ನನ್ನ ಕನಸಲ್ಲಿ ದಿನವೂ ನಿನ್ನದೇ ಛಾಪು.

ನಡೆಯುತ ಹೋದರೆ ಹಿಂಬದಿ ಬರುವೆ ನೀನೆ ನೆರಳಾಗಿ,
ನುಡಿಯುತ ಇದ್ದರೆ ಅಲ್ಲೆ ಇರುವೆ ನೀನೆ ಸ್ವರವಾಗಿ,
ಕನಸೋ ಅಥವಾ ನನಸೋ
ಇದು ಪ್ರೀತಿ ಹುಟ್ಟೊ ವಯಸೋ,
ಚಿಗುರೋ ಪ್ರೀತಿಯಲಿ ಪ್ರೇಮಕಾವ್ಯವ ಚೆಲ್ಲಿ
ನನ್ನ ಕವಿಯ ಮಾಡಿ ಎಲ್ಲಿ ನೀನಿರುವೆ.
ನನ್ನ ಮನಸಲ್ಲಿ ದಿನವೂ ನಿನ್ನದೇ ನೆನಪು
ನನ್ನ ಕನಸಲ್ಲಿ ದಿನವೂ ನಿನ್ನದೇ ಛಾಪು.

ಬೀಸುವ ತಂಗಾಳಿ ನಿನ್ನ ಹೆಸರ ಕಂಪನು ಚೆಲ್ಲಿದಂತೆ
ಹರಿಯೋ ನದಿಯಲ್ಲಿ ನಿನ್ನ ರೂಪ ಬಳುಕಿ ನಡೆದಂತೆ
ಬ್ರಮೆಯೋ ಅಥವಾ ನಿಜವೋ,
ಇದು ಪ್ರೇಮ ಬರುವ ವಿಧವೋ
ಮನಸಿನ ಭಾವದಲಿ ಸೌಗಂಧ ರಾಗವ ಬೀರಿ
ನನ್ನ ಕೋಗಿಲೆ ಮಾಡಿ ಎಲ್ಲಿ ನೀನಿರುವೆ.

ನನ್ನ ಮನಸಲ್ಲಿ ದಿನವೂ ನಿನ್ನದೇ ನೆನಪು
ನನ್ನ ಕನಸಲ್ಲಿ ದಿನವೂ ನಿನ್ನದೇ ಛಾಪು
ಇದು ಪ್ರೇಮವೋ, ಆಂತರ್ಯವೋ
ಬರೀ ಮೋಹವೋ, ಹೊಸ ಬಂಧವೋ
ಆಹಾ ಇದೆಂಥ ಸುಂದರ ಕಲ್ಪನೆ,
ಆಹಾ ಇದೆಂಥ ಸುಂದರ ಕಲ್ಪನೆ.
ನನ್ನ ಮನಸಲ್ಲಿ ದಿನವೂ ನಿನ್ನದೇ ನೆನಪು
ನನ್ನ ಕನಸಲ್ಲಿ ದಿನವೂ ನಿನ್ನದೇ ಛಾಪು.


*----- ಜಯಸುತ -----*

ಕಣ್ಣಂಚಿನ ಮಿಂಚು

ಅವಳ ಕಣ್ಣ ನೋಟ
ತಿಳಿಸದೇ ಮನದಲಿ ಆಡಿದೆ ಆಟ
ಆಗ ಮನದ ತುಂಬಾ
ಬೇರೇನಿಲ್ಲ ಅವಳದೇ ಬಿಂಬ, ಒಲವ ಸೆಳೆವ ಪ್ರೀತಿ ಎಂಬ
ಕರೆಯ ಮಾಡಿದೆ.
ಕಣ್ಣು ಮುಚ್ಚಿ ಕೂತರು, ನೆನಪಿನಲ್ಲಿ ಅವಳದೇ ನೆರಳು
ಕನಸಿನಲ್ಲಿ ಮಲಗಲು ಬಿಡಳು, ಅವಳೇ ಬರುವಳು.
ಅವಳ ಕಣ್ಣ ನೋಟ
ತಿಳಿಸದೇ ಮನದಲಿ ಆಡಿದೆ ಆಟ.

ನಡೆವ ದಾರಿಯಲ್ಲಿ
ಜೊತೆಗೆ ಅವಳು ಬರುತಿಹಳೆಂದು
ನುಡಿವ ಮಾತಿನಲ್ಲಿ
ಸ್ವರಕೆ ಹುಸಿರು ಆಗಿಹಳೆಂದು, ಜೊತೆಗೆ ಅವಳು ನುಡಿದಿಹಳೆಂದು
ಏನೋ ಕಲ್ಪನೆ.
ಎಲ್ಲಿ ಹೋದರಲ್ಲಿ, ಅವಳೇ ನನ್ನ ಜೊತೆಯಾಗಿಹಳು
ಎಲ್ಲಿ ನೋಡಿದರಲ್ಲೇ ಇಹಳು, ಏನು ಮಾಯೆಯೋ.
ಅವಳ ಕಣ್ಣ ನೋಟ
ತಿಳಿಸದೇ ಮನದಲಿ ಆಡಿದೆ ಆಟ.

ನಿಂತ ನೀರಿಗೊಂದು
ಕಲ್ಲು ಎಸೆದಂತಾಗಿದೆ ತನುವು
ತಂಪು ಗಾಳಿಯಲ್ಲಿ
ಹಾರ ಬೇಕೆಂದಿದೆ ಮನವೂ, ಯಾರ ಬಲೆಗೂ ನಿಲುಕದ ಒಲವು
ಕದಡಿ ಹೋಗಿದೆ.
ಬಾನ ತೆಕ್ಕೆಯಲ್ಲಿ, ಹಾರುವಂತ ಹಕ್ಕಿಯು ನಾನು
ಪ್ರಾಣವಾಯುವಾದರವಳು, ಇದುವೇ ಮೋಹವೋ.
ಅವಳ ಕಣ್ಣ ನೋಟ
ತಿಳಿಸದೇ ಮನದಲಿ ಆಡಿದೆ ಆಟ.

ಅವಳ ಕಂಡಿನಿಂದ
ಕವಿಯ ಹಾಗೆ ಹಾಗಿದೆ ಮನವೂ
ಅವಳ ಕಣ್ಣಿನಿಂದ
ಬಂದ ಪ್ರೇಮಸುಧೆಯ ಚೆಲುವು, ಕಾವ್ಯವನ್ನು ಬರೆಯುವ ವರವು
ನನ್ನದಾಗಿದೆ.
ನನ್ನ ಮನದ ಕೂಗು, ಕಾವ್ಯವಾಗಿ ಅವಳ ಮನವ
ತಲುಪಿದಲ್ಲಿ ಸಾರ್ಥಕ ಒಲವು, ಇದುವೇ ಕವಿತೆಯೋ.
ಅವಳ ಕಣ್ಣ ನೋಟ
ತಿಳಿಸದೇ ಮನದಲಿ ಆಡಿದೆ ಆಟ.


*----- ಜಯಸುತ -----*

ಮುಂಜಾನೆಯ ಮಂಜಿನ ತೆರೆ

ಮುಂಜಾನೆಯಲಿ, ಮಂಜಿನ ತೆರೆಯೊಳು
ನುಸುಳ ಬಯಸಿದೆ ಬೆಳಕು,
ಆ ಕವಿದ ಮಬ್ಬಲಿ ಕಣ್ಣಿಗೆ ತೋರದಿದೆ ನಡೆಯು,
ಹೇಗೆ ನಾ ದಾಟಲಿ ಆ ಮಂಜಿನ ತೆರೆಯನು,
ಹೇಗೆ ನಾ ಹುಡುಕಲಿ ಕವಿದ ಮಬ್ಬಲಿ ಬೆಳಕನು,
ತೋರು ಬಾ ಸಹ್ಯಾದ್ರಿಯೇ, ತೋರು ಬಾ ಕೊಡಚಾದ್ರಿಯೇ,
ನಿನ್ನ ತವರಿನ ದಾರಿಯ, ನಿನ್ನ ತವರಿನ ದಾರಿಯ.

ಹಸಿರಿನ ಮಡಿಲಲಿ ಕಣ್ಗಳು ಮಲಗುತಲಿವೆ
ಪವಳಿದ ಕಣ್ಣಸುಳೆಗೆ ಮೌನದ ಜೋಗುಳವಿದೆ
ಗಗನಕೆ ಕೈಚಾಚುತ ಗಿರಿಶೃಂಗವು ಮೈತುಂಬಿದೆ
ಜಲಧಾರೆಯ ಕಣ್ತುಂಬಲು ಮನದೊಳಗೆ ಕಾತರವಿದೆ
ಈ ಕಾತರ ನನಗೆ ಆತುರ ತಂದಿದೆ
ಅದ ನೋಡಲು ಮನವು ಪರಿತಪಿಸಿದೆ.
ತೋರು ಬಾ ಸಹ್ಯಾದ್ರಿಯೇ, ತೋರು ಬಾ ಕೊಡಚಾದ್ರಿಯೇ,
ನಿನ್ನ ತವರಿನ ದಾರಿಯ, ನಿನ್ನ ತವರಿನ ದಾರಿಯ.

ಸುರಿಯುವ ಮಳೆಯಲಿ ಚಳಿಯು ಮೈಗೂಡಿದೆ
ತಂಗಾಳಿಯು ಮಾತಾಡದೆ ಮೌನದಿ ತೇಲುತಲಿದೆ
ಹಕ್ಕಿಯ ಕಲರವ ಋತುಗಳ ಕರೆದಂತಿದೆ
ತೊರೆಗಳು ಮಲೆನಾಡಿನ ತವರಿನ ಸಿರಿಯಂತಿವೆ
ಆ ಸ್ವರ್ಗ, ಭೂಸ್ವರ್ಗಕೆ ಸಾಮ್ಯವೇ
ಇದ ಸವಿಯಲು ಈ ಜನುಮ ಸಾಲದು ಅಲ್ಲವೇ,
ತೋರು ಬಾ ಸಹ್ಯಾದ್ರಿಯೇ, ತೋರು ಬಾ ಕೊಡಚಾದ್ರಿಯೇ,
ನಿನ್ನ ತವರಿನ ದಾರಿಯ, ನಿನ್ನ ತವರಿನ ದಾರಿಯ.

ಮುಂಜಾನೆಯಲಿ, ಮಂಜಿನ ತೆರೆಯೊಳು
ನುಸುಳ ಬಯಸಿದೆ ಬೆಳಕು,
ಆ ಕವಿದ ಮಬ್ಬಲಿ ಕಣ್ಣಿಗೆ ತೋರದಿದೆ ನಡೆಯು,
ಹೇಗೆ ನಾ ದಾಟಲಿ ಆ ಮಂಜಿನ ತೆರೆಯನು,
ಹೇಗೆ ನಾ ಹುಡುಕಲಿ ಕವಿದ ಮಬ್ಬಲಿ ಬೆಳಕನು,
ತೋರು ಬಾ ಸಹ್ಯಾದ್ರಿಯೇ, ತೋರು ಬಾ ಕೊಡಚಾದ್ರಿಯೇ,
ನಿನ್ನ ತವರಿನ ದಾರಿಯ, ನಿನ್ನ ತವರಿನ ದಾರಿಯ.

*----- ಜಯಸುತ -----*

ಪ್ರೀತಿ ನೀ ಚೆನ್ನಾಗಿರು

ಚೆನ್ನಾಗಿರು ನೀ ಚೆನ್ನಾಗಿರು
ನನ್ನ ಪ್ರೀತಿ ತೊರೆದರೂ ನೀ ಚೆನ್ನಾಗಿರು.
ಕನಸಲ್ಲಿ ನೂರು ಆಸೆಗಳ ಬಚ್ಚಿಟ್ಟು
ಮನಸಲ್ಲಿ ನೂರು ನೋವುಗಳ ಮುಚ್ಚಿಟ್ಟು
ನಾ ಬಂದಿರುವೆ ನಿನಗೆ ಶುಭ ಕೋರಲು.
ಚೆನ್ನಾಗಿರು ನೀ ಚೆನ್ನಾಗಿರು
ನನ್ನ ಪ್ರೀತಿ ತೊರೆದರೂ ನೀ ಚೆನ್ನಾಗಿರು.

ಒಡಲಲ್ಲಿ ಕಣ್ಣೀರ ಮಳೆಯಾದರು
ಮುಖದಲ್ಲಿ ನಗುವೆಂಬ ಕಾರಂಜಿಯು
ನೆನಪಲ್ಲಿ ಆ ಪ್ರೀತಿ ಬಿರುಗಾಳಿಯು
ನಿಜದಲ್ಲಿ ಈ ಸ್ನೇಹ ಸಂಕೋಲೆಯು
ತ್ಯಾಗಕ್ಕೆ, ಎಂದೂ ಬಾಳಬೇಕು ನಾವು
ಪ್ರೇಮಕ್ಕೆ, ಕೊನೆಗೆ ಸಿಗೋದು ಬರೀ ನೋವು................

ಚೆನ್ನಾಗಿರು ನೀ ಚೆನ್ನಾಗಿರು
ನನ್ನ ಪ್ರೀತಿ ತೊರೆದರೂ ನೀ ಚೆನ್ನಾಗಿರು.

ಕಣ್ಣಲ್ಲಿ ಚಿಗುರೊಡೆದ ಪ್ರತಿಬಿಂಬವು
ಎದುರಲ್ಲಿ ಕವಲೊಡೆದ ಸಂಬಂಧವು
ಮಾತಲ್ಲಿ ಮರೆಯಾದ ಆ ಮೌನವು
ಈಗಿಲ್ಲಿ ಹಾಡಿಗೊಂದು ಒಳ ಅರ್ಥವು
ತ್ಯಾಗಕ್ಕೆ, ಎಂದೂ ಬಾಳಬೇಕು ನಾವು
ಪ್ರೇಮಕ್ಕೆ, ಕೊನೆಗೆ ಸಿಗೋದು ಬರೀ ನೋವು................

ಚೆನ್ನಾಗಿರು ನೀ ಚೆನ್ನಾಗಿರು
ನನ್ನ ಪ್ರೀತಿ ತೊರೆದರೂ ನೀ ಚೆನ್ನಾಗಿರು.


*----- ಜಯಸುತ -----*